torsdag 26. desember 2013

Stort og høgt sukkerbrød

Dette er den beste sukkerbrødoppskrifta eg har, for den klikkar aldri! Den fyller forma heilt opp og har ein fin konsistens.

Olines sukkerbrød

4 store egg
250 g sukker
100 g potetmjøl
100 g kveitemjøl
3 ts bakepulver
3 ss vatn

Visp stiv eggedosis. Sikt i alt det tørre og vend forsiktig i røra. Ha til slutt i 3 ss kaldt vatn, rør glatt forsiktig.

Ha i form på 26 cm som er smurt og strødd med semulegryn.

Steik nederst i 1 time v/ ca 180 gr. Legg over matpapir siste 15 min. 

fredag 20. desember 2013

Potetmjølstoppar

I dag har eg laga Potetmjølstoppar.
Dette er lyse sprø kaker som smuldrar fort i munnen og er gode på smak!!



Oppskrifta gjev ca 100 kaker.

250 g margarin
250 g sukker
1 egg
3 ts vaniljesukker
3 ts bakepulver
125 g kveitemjøl
500 g potetmjøl

Rør smør og sukker kvitt, tilsett egg og ha i resten litt etter litt. Kna i mjølet med hendene til slutt, for deigen vert ganske fast.
Trill kuler og trykk dei ned med gaffel så dei får stripemønster.
Steik v/200 gr i ca 12 min.