Stor PAVLOVA!

Mmmmm! Denne kaka både ser nydelig ut, og den smakar himmelsk! Og det aller beste er at det er ingen kunst å lage den heller. Eg har laga denne store kaka to gongar, og det er like vellukka kvar gong.

OPPSKRIFT som passar til heile langpanna:

6 eggekviter, pisk dei stive.

3 dl sukker, dette tilsettes den stivpiska eggekviten, pisk godt.

3 dl melis, pisk dette litt i lag med resten.

2 ts potetmjøl og

2 ts vaniljesukker røres i.

Bre ut over heile langpanna, bruk bakepapir.

Steikes v/175 gr på nederste rille i 5 min, deretter senkes temp. til 140 gr og la stå i 1,5 t.

Marengsbotnen kan stå i fleire dagar før du pynter den. Om du vil ha til ei rund kake, så halverer du oppskrifta.

PYNT:

Til ei stor langpanne treng du:

2 pk kremfløyte og 1 pk Piano vaniljekrem. Pisk fløyten stiv og bland i vaniljekremen.

Oppå kaka brukar du mange sortar frukt. På bildet av kaka mi ser du at eg har brukt:

2 små boksar tropisk frukt

grøne og blå druer.

Om du lagar kaka om sommaren, så smakar det godt med jordbær i lag med frukta. Fruktcoctail kan du bruke. Kiwi er fint å bruke og det ser flott ut, men vær obs på at mange kan være allergiske mot kiwi.

Gode rundstykker

RUNDSTYKKER

Dette er mine favorittrundstykker, laga etter favorittoppskrifta mi. Ei universaloppskrift! Den kjem frå bestemor mi Pernille og er opprinnelig ei oppskrift på kringler. Men så vart det ein gong til at eg laga andre former av denne kringledeiga, og oppdaga at den var perfekt. Deigen er også veldig god å bruke når barn skal bake, for den fester seg ikkje til underlaget pga. mykje margarin i deigen.

Så av denne oppskrifta lagar eg:

• Kringler
• Pølsebrød
• Kuvertbrød i ulike fasongar
• Rundstykker

Oppskrift:

• 1 l lunka vatn
• 1pk gjær eller 1 pose tørrgjær
• 250 g smelta margarin
• 2 ss sukker
• 2 ts salt
• 1 ts hornsalt (obs! brukar det ikkje i kringler)
• kveitemjøl til deigen er passe

Eg brukar miksar når eg lagar deigen, og deigen skal være litt laus, på kanten til å være klissete.Når den ikkje heng fast på fingeren når du sjekkar den, ja då er den passe! Den endrar litt konsistens når den har heva ei stund. Den må heve minst 30 min, men den blir berre betre om den får heve lenge, berre husk å slå den ned att. Eg brukar ofte å gjere det 2-3 gongar.

Når du skal bake ut trepå hendene så du kan trille lett ut.

1 l væske gir ca 3 fulle brett med rundstykker, dvs ca 45 stk.

La dei heve lenge og steik v/250 gr i ca 10-12 min.

Rå ripssaft

Eg lagar rå ripssaft enkelte år, det kjem litt an på kor mykje bær eg orkar å plukke! Vert det lite, så blir dei til gele. Men denne gongen vart det 6 l bær som skulle bli saft.

Her er oppskrifta:

6 l bær

6 l vatn

3 poser sitronsyre

Ha alt i ein stor balje med lok til. Knus bæra , bland i sitronsyre og rør godt. Dette skal stå kaldt et til to døgn. rør i det av og til.

Sil alt gjennom eit klede, deretter tilsettes sukker. Bruk 0,8 kg pr l saft. Rør i det lenge til alt sukkeret er oppløyst.

Safta må stå i kjøleskap, men det meste bør frysast. Eg brukar å fylle i 1/2 l brusflasker og fryse dei, då er det passe str å ta opp til bruk.

Solbærsylte

I går laga eg ein liten porsjon med solbærsylte. Eg brukar å ha i ein del vatn , for elles blir sylta veldig stiv og stram.

Her er oppskrifta:

• 1 kg bær
• 1/2 l vatn

Kok i 5-10 min til bæra moser seg

Tilsett 0.8-1.0 kg sukker og ein halv pose Certo syltepulver. Kok opp og rør til sukkeret er godt oppløyst.

Rømmevafler

I det siste har eg laga mykje rømmevafler. Eg kallar dei det, sjølv om det er vanlegvis ikkje rømme eg brukar. Ofte har eg ståande fløyte som er gått ut på dato, då let eg den stå litt ekstra lenge. Etter ca 1 mnd får fløyten ein litt syrleg men ikkje bitter smak, då er den perfekt til dette. ein kan sjølvsagt kjøpe seterrømme til vaflene, men hittil har eg ikkje gjort det.

Her er oppskrifta mi:

1 pk syrleg fløyte (eller seterrømme)

Fyll opp pakken 3 gongar med vatn og rist ut restane av fløyten,tøm dette i fløyten/rømmen

100 g smelta margarin

0,5 dl sukker

1 ts salt

2 ts vaniljesukker

1 ts bakepulver eller natron

kveitemjøl til røra vert passe, den skal vere ganske tjukk.

Om du har restar av kefir, slår du dette også i, ha gjerne i litt vatn og rist ut alle restar.

Denne oppskrifta er utan egg, det merkast ikkje i det heile!! Så den er perfekt for dei som har egg-allergi!!


Dei smakar nydeleg med berre smør og sukker, men og som under her: med brunost og sylte!

Hermetiserte plommer

Dette innlegget er frå sommaren 2008 i gamlebloggen min, men snart er det tid for plommer i år også!

Det er høgsesong for plommer no! Og no kan eg virkelig nyte godt av plommetrea som eg planta for nokre år sidan. Tidlegare misunte eg dei som hadde rikelig med søte og fristande blå plommer. I min barndom hadde vi berre Victoria-plommer, dei kjem seinare men er ikkje så gode til "ete-plommer". Så då eg fann ut at eg skulle plante blåplommer, så ville eg plante så mange tre at eg kunne fråtse i herligheten!

Så no har eg 7 tre av sortane Herman, Edda og Opal, og gjett om vi har ete plommer!!! Og mange ramlar ned, men det gjer ingenting, for målet mitt var å ha så rikelig at alle kunne ete det dei vil! Nam , nam!

For å bevare litt av denne herligheten over i mørketida, så har eg hermetisert nokre glas med plommer.

Denne gongen ville eg prøve ein ny metode som ei venninne brukar. Kor godt plommene vil holde seg, gjenstår å sjå.

Her er framgangsmåten :

Kok sukkerlake av 650 gr sukker til 1 liter vatn.

Fyll glasa med nyplukka plommer, stapp godt, men ikkje til dei sprekk. Slå over sukkerlaken til nesten fullt glas, ca 2 cm, frå kanten.

Sett dei i steikeovn som er oppvarma til 150 gr og la dei stå i ca 1,5 t. Lokket skal leggast lett på toppen av glaset når dei står i ovnen, men ikkje skruast på for at lufta skal sleppe opp. Stikk med ein pinne i plommene for å sjekke om dei er møre. Ta glasa ut av ovnen og skru fast til lokka.

Simsalabim, no er ein nydelig dessert klar på glas! Tenk så godt dette smakar til vispa kremfløyte!!!! Mmmmmm........
(beklager litt dårlige bilder av glasa)

Kveldsmeny: Risotto

Det er helg og då blir det tid til å lage noko ekstra godt til kvelds. Menytips er heimelaga Risotto med diverse oppi.
Denne retten er enkel å lage, har ein berre litt ris så er det berre å putte oppi det ein finn i kjøleskap og på bod!


Innholdet i min risotto:
•kokt middagsris
•ein steikt rødløk
•litt broccoli, steik i lag med løken
•1 boks mais, fres den litt på steikepanna
•litt paprika, eg har brukt grøn
•pølser i småbitar, steik på steikepanna
Smak til med salt, pepar og ha på litt karry om du likar det!
Bland alt oppi ei stor panne, og så er risottoen klar. Server med loff eller rundstykker med Bremykt på

Sviskekake

Dette er ei kake som eg kallar Sviskekake og har botn av kokos, eit lag eggekrem, eit lag med sviskekompott og krem på toppen.

Kanskje ei bombe å sjå til, men trur ikkje at den er sååå usunn. Litt gomat treng ein iallefall av og til, og så får vi heller vente litt til neste runde.

Vil du ha oppskrift så finn du den under her.

Kakebotn:

4 eggekviter
2 dl sukker
3 dl kokosmasse
2 ss mjøl
1 ts bakepulver

Stivpisk eggekviter og sukker og bland inn resten etterpå. Steik i 30 min v/175 gr. Kakeform 24 cm.

Eggekrem:

4 eggeplommer
1 dl sukker
1 dl fløyte eller melk
2 ts maisennamjøl

Varm opp til kokepunktet til det stivnar. Kjøl av.

Sviskekompott:

Legg i vatn 1 pose svisker, gjerne over natta. Kok opp i litt av bløytevatnet, tilsett litt sukker (3-4 ss) og kok til alt det våte er kokt inn. Kjøl av.

Pynting:

Legg eggekrem oppå kakebotnen, deretter sviskekompott og vispa kremfløyte(1 pk) øverst . Pynt med raspa sjokolade og delte svisker

Mias appelsinkake

Denne kaka er frå bloggen Mias Landliv.
Oppskrifta la ho ut på bloggen sin 3.4 2007, du finn den der, men eg har også kopiert den inn på denne sida.

APPELSINKAKE:
3 egg
3 dl sukker
200 g smør eller margarin
4 dl hvetemel
2 ts bakepulver
2 ts revet appelsinskall
1 dl appelsinsaft

Smelt smøret og avkjøl det. Pisk tykk eggedosis av egg og sukker. Sikt sammen bakepulver og hvetemel, og rør det sammen med smør, appelsinskall og sppelsinsaft i eggedosisen. Hell deigen i en godt smurt kakeform (ca. 1 1/2 l). Stek kaken litt nede i ovnen ved ca. 200 grader i ca. 30 minutter. Hvelv den ferdigstekte kaken forsiktig ut av formen og avkjøl den deretter på rist. Ved servering drysses melis og litt revet appelsinskall over kaken.

Bringebærterte

Ei deilig bringebærterte som er rask å lage. Ein enkel kakebotn, 1 pk vaniljekrem oppå og bær øverst. Enkelt men veldig godt! OPPSKRIFT

2 egg
2,5 dl sukker
2,5 dl mjøl
50 gr smelta smør
0,5 ts bakepulver
ca 0,5 dl melk
Denne kaka er veldig enkel å lage, for du har alt opp i ein bolle og rører sammen med ein strengvisp, gjort på 1 min!!
Steik v/200 gr i 15-20 min.

Legg på 1 pk vaniljekrem og pynt med bringebær tett i tett. Litt blåbær innimellom er også godt, og du kan òg bruke rips. Dryss eit lag med melis over før servering.

Små Pitabrød

Allsidige pitabrød
Vel,..... det skulle berre bli vanlige grove, men underveis i bakinga kom eg på at eg kunne lage små foccacia av nokre. Dei fekk heve litt før eg hadde på olivenolje, rosmarin og Maldonsalt. Dei vart fine og fristande, heile 35 stk av pitabrød og foccacia vart det!! Og smaken var perfekt!!
Oppskrifta vart også til undervegs, omtrent slik er den:
UNIVERSALOPPSKRIFT

1 l lunka lettmelk

1 pk gjær

2 ts salt

3 ts sukker

1 ts bakepulver

0,5 dl rapsolje

mjøl til passelig fast deig ( eg hadde i ca 2 dl sammalt grov kveite, resten fint kveitemjøl)

Hev minst 1/2 time før utbaking. Lag små bollar som du bakar ut til ein liten rund leiv, ca 10-12 cm og ganske tynne.
Dei som skal bli foccacia hadde eg på olivenolje, rosmarin og Maldonsalt.
Steik v/250 i ca 9 min.

OL-boller

Oppskrift og framgangsmåte finn du HER, men eg legg likevel ut grunnoppskrifta til Anne Grethe:

OL-boller

Ca. 30 stykker.
150 g margarin
1/2 liter lettmelk
50 g gjær
1 dl sukker
1/2 ts salt
1-2 ts kardemomme
850 g hvetemel

Fyll:
4 matskjeer myk margarin
4 matskjeer sukker
1 ts kanel

Pensling:
1 egg (piskes med gaffel)
perlesukker eller hakkede mandler

Steking:
250 grader, midt i ovnen i ca.10 min.

Fiskewok

Fiskewok:

Du treng :
Wokpanne, olivenolje eller annan olje, steikespade

2 kg potet, 0,5 kg gulrot, kutt i bitar og ha først i woken i lag med olje.
1 squash, 1 broccoli, 5-6 sopp, 2-3 paprika, 2 løk, 4 tomatar, 0,5 kg seifilet. Kutt i små bitar og ha i woken når potet og gulrot er litt møre.
Slå over 1/3 l matfløte og smak til med sitronpepper, salt og evt. anna krydder

Grove anisbrød

Oppskrifta har eg fått av ei quiltevennine, Anne Marie, tusen takk til deg, anbefaler andre å prøve denne oppskrifta.
GROVE ANISBRØD 2 stk
7 dl lunka melk
1 pk gjær
100 g smelta margarin
2 dl lys sirup
1,5 ts salt
3 ss anisfrø
5 dl grov rug
12 dl kveitemjøl
Bland alt i kjøkkenmaskin og hev godt.

Lag 2 flettabrød og hev i minst 30 min.
steik v/200 gr i ca 40 min

Bakeblogg

Oline er glad i å bake, både kaker og gjærbakst. Kakebakinga går i bølger, men når eg først skal lage kake, då lager eg gjerne fleire samtidig.

Men det er gjærbakst eg likar aller best. Her kjem mine gode faste oppskrifter som eg brukar om att og om att. Likevel er eg stadig på leit etter nye og veldig gode oppskrifter, det finn eg ut ved prøving og feiling.